US State Department Roundtable for Advocacy and Policy Engagement on Cambodia
Our Responsibility in Critical Times
ការទទួលខុសត្រូវរបស់យើងក្នុងគ្រាមានវិបត្តិ៖
This Khmer international training and strategic planning session, along with the State Department roundtable, takes on added significance because the Cambodia in-country training originally scheduled for February 2025 had to be postponed because of the current Trump administration funding cutbacks. Given these U.S. government funding cutbacks, we, the Khmer Community, must do more to fill in the gap and take action ourselves, irrespective of government fund to make things move forward in this very critical time.
សម័យប្រជុំដាក់ផែនការយុទ្ធសាស្ត្រនិងបណ្ដុះបណ្ដាលអន្តរជាតិខ្មែរ រួមទាំងតុមូលរបស់ក្រសួងការបរទេសផង ពេលនេះកាន់តែមានន័យខ្លាំងណាស់ទៅទៀត ព្រោះការបណ្តុះបណ្តាលនៅក្នុងប្រទេសកម្ពុជា ដែលដើមឡើយបានគ្រោងទុកសម្រាប់ខែកុម្ភៈ ឆ្នាំ 2025 នេះ ត្រូវបានពន្យារពេលដោយសារការកាត់ថវិការបស់រដ្ឋបាលលោក Trump នាពេលបច្ចុប្បន្ន។ ដោយសារការកាត់បន្ថយថវិការបស់រដ្ឋាភិបាលសហរដ្ឋអាមេរិកទាំងនេះ យើងជាសហគមន៍ខ្មែរត្រូវតែធ្វើ សកម្មភាពបន្ថែមទៀតដើម្បីបំពេញចន្លោះប្រហោង និងចាត់វិធានការដោយខ្លួនឯងដោយមិនខ្វល់ពីថវិការបស់រដ្ឋាភិបាលឡើយ ដើម្បីធ្វើឱ្យអ្វីៗដំណើរការទៅមុខបានយ៉ាងរលូនក្នុងគ្រាដ៏លំបាកនេះ។
Roundtable Schedule
កាលបរិច្ឆេទតុមូល
Coming Soon: Higher-Leadership Officials Session, Time TBD
ពេលប្រជុំមន្ត្រីជាន់ខ្ពស់នឹងផ្តល់ជូនក្នុងពេលឆាប់ៗនេះ។
Wednesday, 26 March 2025: Working Officials Session, 11:00 AM (DC Time)
ថ្ងៃពុធ ទី ២៦ ខែមីនា ឆ្នាំ ២០២៥៖ ពេលប្រជុំផ្លូវការ ម៉ោង ១១ៈ០០ ព្រឹក (ម៉ោងនៅ DC)
Los Angeles 8:00 AM (ទីក្រុង ឡស់ អេនជឡេស ម៉ោង ៨ៈ០០ ព្រឹក)
Paris 4:00 PM (ទីក្រុង ប៉ារីស ម៉ោង ៤ៈ០០ ល្ងាច)
Phnom Penh 10:00 PM (ទីក្រុង ភ្នំពេញ ម៉ោង ១០ៈ០០ យប់)
South Korea 12:00 AM (27 March) (ប្រទេស កូរ៉េខាងត្បូង ម៉ោង ១២ៈ០០ ថ្ងៃត្រង់ ២៧មិនា)
Melbourne, Australia 2:00 AM (27 March) (ទីក្រុង ម៉ែលបួន ប្រទេស អូស្ត្រាលី ម៉ោង ២ៈ០០ ភ្លឺ ថ្ងៃទី ២៧មិនា)
New Zealand 4:00 AM (27 March) (ប្រទេស ញូហ្សែឡេន ម៉ោង ៤ៈ០០ ភ្លឺ ថ្ងៃទី ២៧មិនា)
Check back as details become available.
សូមចូលមើលពេលក្រោយទៀត យើងនឹងមានព័ត៌មានលម្អិតបន្ថែម។
A major opportunity has been presented to the Khmer community.
ជាឱកាសមួយដ៏ល្អនិងសំខាន់ដែលសហគមន៍ខ្មែរត្រូវតែក្តាប់យកឲ្យបាន។
U.S. key policymakers want to hear from you.
អ្នកបង្កើតគោលនយោបាយសំខាន់ៗរបស់សហរដ្ឋអាមេរិកចង់ដឹងចង់ឮពីបងប្អូន។
They want to know what major issues you want them to be aware of and what recommendations you have regarding Cambodia.
តើបញ្ហាសំខាន់ៗអ្វីខ្លះដែលបងប្អូនចង់ឲ្យថ្នាក់ដឹកនាំសហរដ្ឋអាមេរិកយល់ដឹង។ តើបងប្អូនមានអនុសាសន៍អ្វីខ្លះទាក់ទងនឹងកម្ពុជា។
This is your chance to make a difference and ensure your voice is heard.
នេះជាឱកាសដ៏ពិសេសរបស់បងប្អូនក្នុងការធ្វើឲ្យមានការផ្លាស់ប្តូរ និងធានាថាសហរដ្ឋអាមេរិកនឹងស្តាប់សំឡេងរបស់បងប្អូន។
Purpose of the Roundtable
This roundtable is a strategic forum that brings together Cambodian community leaders and advocates, leading human rights organizations, and U.N. and international experts to engage U.S. policymakers on Cambodia’s most pressing challenges. These challenges are identified by the Khmer community globally, ensuring that the discussion addresses key issues such as the expansion of human rights violations and the threats to sovereignty and territorial integrity, while providing concrete, actionable recommendations for U.S. policymakers to drive meaningful and effective change in Cambodia.
Through this community-driven advocacy, we aim to lay the foundation for meaningful and systemic remedial actions. This will ensure that U.S. policy reflects the urgent realities on the ground and avoids repeating ineffective approaches that could legitimize the regime’s escalating abuses.
គោលដៅនៃវេទិកាតុមូល
វេទិកាតុមូលជាវេទិកាយុទ្ធសាស្ត្រមួយដែលប្រមូលផ្តុំថ្នាក់ដឹកនាំសហគមន៍ខ្មែរ និងអ្នកតស៊ូមតិ ព្រមទាំងអង្គការសិទ្ធិមនុស្សលំដាប់ខ្ពស់ អង្គការសហប្រជាជាតិ និងអ្នកជំនាញអន្តរជាតិ ដើម្បីចូលរួមជាមួយថ្នាក់ដឹកនាំបង្កើតគោលនយោបាយអាមេរិកលើបញ្ហាប្រឈមសំខាន់ៗរបស់កម្ពុជា។ បញ្ហាទាំងនេះត្រូវបានកំណត់តាមរយៈវគ្គរៀបចំផែនការយុទ្ធសាស្ត្រជាមួយសហគមន៍ខ្មែរទូទាំងពិភពលោក ដោយធានាថាការពិភាក្សាដោះស្រាយបញ្ហាសំខាន់ៗដូចជាបញ្ហរីកដាលនៃការរំលោភសិទ្ធិមនុស្សកាន់តែធ្ងន់ធ្ងរ ការគំរាមកំហែងអធិបតេយ្យភាព និងបូរណភាពទឹកដី ខណៈពេលដែលបងប្អូនអាចផ្តល់នូវអនុសាសន៍ជាក់ស្តែង និងអាចអនុវត្តបាន ដល់អ្នករៀបចំគោលនយោបាយសហរដ្ឋអាមេរិក ដើម្បីជំរុញឲ្យមានការផ្លាស់ប្តូរជាវិជ្ជមាន មានអត្ថន័យ និងប្រសិទ្ធភាពនៅកម្ពុជា។តាមរយៈការតស៊ូមតិនៃសហគមន៍ខ្មែរនេះ យើងនឹងជំរុញឲ្យមានការចាក់គ្រឹះជាសកម្មភាពដំណោះស្រាយជាប្រព័ន្ធ ប្រកបដោយអត្ថន័យខ្ពស់។ សកម្មភាពនេះធានាថា គោលនយោបាយរបស់សហរដ្ឋអាមេរិកនឹងឆ្លុះបញ្ចាំងពីភាពតម្រូវការជាក់ស្តែងជាបន្ទាន់នៅមូលដ្ឋាន ដោយជៀសវាងប្រើវិធីសាស្រ្ដដដែលៗគ្មានប្រសិទ្ធភាព ដែលបានផ្តល់ភាពស្របច្បាប់ទៅរបបសព្វថ្ងៃក្នុងការរំលោភបំពានកាន់តែខ្លាំងឡើងៗ។Your Voice Was Heard!
សហរដ្ឋអាមេរិកបានស្តាប់សំឡេងរបស់បងប្អូនហើយ!
The data gathered from the Khmer international community was successfully presented at the U.S. State Department roundtable on March 26. The U.S. officials heard you loud and clear!
យើងបានបង្ហាញដោយជោគជ័យនូវទិន្នន័យដែលយើងប្រមូលបានពីបងប្អូនខ្មែរទាំងក្នុងនិងក្រៅប្រទេស ក្នុងកិច្ចប្រជុំតុមូលជាមួយក្រសួងការបរទេសសហរដ្ឋអាមេរិកនៅថ្ងៃទី២៦ មីនា។ មន្ត្រីអាមេរិកបានឮ និងយល់ពីក្តីបារម្ភរបស់បងប្អូនបានយ៉ាងច្បាស់ហើយ!
The Results
លទ្ធផល
The survey gathered over 650+ responses, identifying the top five critical issues.
These results were presented at the roundtable.
បងប្អូនខ្មែរទាំងក្នុងនិងក្រៅស្រុកចំនួនជាង ៦៥០នាក់ បានឆ្លើយតបនឹងការស្ទង់មតិ។ ជាសង្ខេប យើងមានបញ្ហាសំខាន់ៗចំនួនប្រាំ។ យើងបានបង្ហាញលទ្ធផលនេះ នៅក្នុងពេលប្រជុំតុមូល។
It is important to note that this data only highlights major issues, not the recommendations. The data shows that the economic issue concern among Khmer in-country is 28%, while it is 8% among U.S. Khmer. The lower percentage reflects the fact that Khmer people in the U.S. do not experience major economic issues directly, unlike those living in-country who are directly affected. As a result, the economic concern is more pronounced in Cambodia.
គួរកត់សម្គាល់ថា ទិន្នន័យនេះគ្រាន់តែគូសបញ្ជាក់ពីបញ្ហាសំខាន់ៗប៉ុណ្ណោះ មិនមែនជាការណែនាំនោះទេ។ ទិន្នន័យបង្ហាញថា បងប្អូនខ្មែរក្នុងស្រុក ២៨% បារម្ភពីបញ្ហាសេដ្ឋកិច្ច ប្រៀបធៀបទៅបងប្អូនខ្មែរនៅអាមេរិកមានការបារម្ភត្រឹមតែ ៨% ប៉ុណ្ណោះ។ ភាគរយទាបឆ្លុះបញ្ចាំងពីការពិត ដែលពលរដ្ឋខ្មែរនៅសហរដ្ឋអាមេរិកមិនប្រឈមនឹងបញ្ហាសេដ្ឋកិច្ចខ្លាំងក្លាដោយផ្ទាល់នៅះទេ ផ្ទុយពីបងប្អូនខ្មែររស់នៅក្នុងប្រទេសដែលរងផលលំបាកប៉ះពាល់ដោយផ្ទាល់។ នេះបញ្ជាក់យ៉ាងច្បាស់ពី ក្តីបារម្ភផ្នែកសេដ្ឋកិច្ចកាន់តែធ្ងន់ធ្ងរនៅកម្ពុជា។
The percentage for democracy, human rights, and rule of law issue among Khmer in-country is 48%, and it increases to 60% among U.S. Khmer. This higher percentage among U.S. Khmer is due to their direct impact from the elimination of political oppositions, conducting mass criminal trials on critics and the opposition, and the emerging issues of cross-border violence and intimidation, such as the forced returns of Khmer dissidents abroad to be jailed.
បងប្អូនខ្មែរក្នុងប្រទេស ៤៨% យល់ថាលទ្ធិប្រជាធិបតេយ្យ សិទ្ធិមនុស្ស និងនីតិរដ្ឋជាបញ្ហាសំខាន់ជាងគេ។ បញ្ហានេះកើនឡើងដល់ ៦០% សម្រាប់បងប្អូនខ្មែរនៅអាមេរិក។ ភាគរយខ្ពស់ក្នុងចំណោមបងប្អូនខ្មែរនៅអាមេរិក គឺដោយសារពួកគាត់ចំណាកស្រុក រងគ្រោះពីការលុបបំបាត់អ្នកប្រឆាំងនយោបាយ ពីការកាត់ក្តីឧក្រិដ្ឋកម្មទ្រង់ទ្រាយធំលើអ្នករិះគន់និងទៅលើគណបក្សប្រឆាំង ព្រមទាំងបញ្ហាផ្សេងទៀតដែលកំពុងតែកើតមាន ដូចជាអំពើហិង្សា និងការគំរាមកំហែងពេលឆ្លងព្រំដែន ដូចជាការបង្ខំឲ្យបងប្អូនខ្មែរដែលប្រឆាំងនឹងរដ្ឋាភិបាលឲ្យត្រឡប់ចូលស្រុកវិញរួចចាប់ដាក់ពន្ធនាគារ។
Additionally, it is important to note that based on this data, land grabs and illegal evictions issue are heavily intertwined with the sovereignty and territorial integrity issue. Online scamming, drug trafficking, and human trafficking issues are tied to Cambodia’s economic issue and its dependence on foreign investment, particularly from China.
បន្ថែមពីលើនេះ គួរកត់សម្គាល់ថា ផ្អែកលើទិន្នន័យទាំងនេះ ការរំលោភយកដីធ្លី និងការបណ្តេញចេញដោយខុសច្បាប់ពីលំនៅឋាន គឺមានការពាក់ព័ន្ធយ៉ាងខ្លាំងជាមួយនឹងបញ្ហាអធិបតេយ្យភាព និងបូរណភាពទឹកដី។ បញ្ហាបោកប្រាស់តាមប្រព័ន្ធអ៊ីនធឺណែត ការជួញដូរគ្រឿងញៀន និងការជួញដូរមនុស្សត្រូវបានផ្សារភ្ជាប់ទៅនឹងបញ្ហាសេដ្ឋកិច្ចរបស់ប្រទេសកម្ពុជា និងការពឹងផ្អែកទៅលើ ការវិនិយោគពីបរទេស ជាពិសេសពីប្រទេសចិន។
ការចូលរួមពីបងប្អូនខ្មែរក្នុងសហគមន៍ជាតិ និង អន្តរជាតិ
កម្ពុជា ៥២%
សហរដ្ឋអាមេរិក ៣២%
អូស្ត្រាលី និងនូវែលសេឡង់ ៧%
បារាំង ៣%
កាណាដា ២%
កូរ៉េខាងត្បូង ២%
ប្រទេសផ្សេងទៀត ២%
បញ្ហាសំខាន់ទាំងប្រាំដែលបងប្អូនខ្មែរក្នុងនិងក្រៅស្រុកយកចិត្តទុកដាក់ជាចម្បង
លទ្ធិប្រជាធិបតេយ្យ និងសិទ្ធិមនុស្ស ៥៤%
អធិបតេយ្យភាព និង បូរណភាពទឹកដី ១៣%
សេដ្ឋកិច្ច ១៨%
ការរឹបអូសដីធ្លី និងការបណ្តេញចេញ ៦%
ការគាបសង្កត់ឆ្លងជាតិ ៦%
បញ្ហាផ្សេងទៀត ៣%
លទ្ធផលពីការស្ទង់មតិពីបងប្អូនខ្មែរចំនួន ៣៣៨នាក់ នៅកម្ពុជា
លទ្ធិប្រជាធិបតេយ្យ និងសិទ្ធិមនុស្ស ៤៨%
អធិបតេយ្យភាព និង បូរណភាពទឹកដី ១៤%
សេដ្ឋកិច្ច ២៨%
ការរំលោភដីធ្លី និងការបណ្តេញចេញ ៣%
ការគាបសង្កត់ឆ្លងដែន ៣%
បញ្ហាផ្សេងទៀត ៤%
លទ្ធផលពីការស្ទង់មតិពីបងប្អូនខ្មែរចំនួន ២១១នាក់ នៅសហរដ្ឋអាមេរិក
ប្រជាធិបតេយ្យ និងសិទ្ធិមនុស្ស ៦០%
អធិបតេយ្យភាព និង បូរណភាពទឹកដី ១៨%
សេដ្ឋកិច្ច ៨%
ការកាន់កាប់ដីធ្លី និងការបណ្តេញចេញ ៥%
ការគាបសង្កត់ឆ្លងជាតិ ៧%
បញ្ហាផ្សេងទៀត ៤%